Oppierif neem deurgangs deel aan aktiwiteite wat nie onder die bestek van Akademie, Kultuur of Sport val nie, soos byvoorbeeld Jool, Blokbraai en Rifstok.

Jool

Die RAU sosiale kalender skop af met die jaarlikse Jool - Poging wat daarop gemik is om die lewe vir minder bevoorregte mense te verbeter. Oppierif het al in die verlede glad nie te sleg gedoen uit hierdie oogpunt nie, maar vir studente gaan Jool eintlik oor die Jool week wat al dwarsoor die land bekend is. Vir die koshuise is die Vlotbou, Jool stalletjie en Joolpret seker die belangrikste.

Hierdie jaar het Oppierif 'n puik Jool Komittee gehad wat dag en nag geywer het om die koshuis naam na vore gedra het. Oppierif het algeheel tweede gekom met ons jool poging.

Hieronder sal jy 'n album sien wat vir jou as voornemende riwwer dalk 'n idee sal gee wat Jool is.

Blokbraai

Blokbraai is die eerste geleentheid gedurende die jaar waar die eerste jaars en seniors kan saamkuier op 'n gelyke vlak. Dit word gekenmerk as die grootste partytjie van die jaar op die RAU kampus(Om verskeie redes wat jy sal uitvind as 'n eerste jaar)

Blokbraai skop af die middag met tradisionele blok krieket waarin die onderskeie blokke deelneem. Daarna word verdaag na die onderskeie blokke waar jou lewer getoets word met die tradisionele Down-Down kompetisies. Die res van die aand word gegee an vleis braai en lekker saam kuier. Blokbraai eindig met 'n hoogtepunt wat elke huis lid R5 kos.

Rifstok

Rifstok is Oppierif se weergawe van Woodstock. Ons is nou wel nie 'n paar miljoen hippies wat kaal rondrol in die modder nie, maar ons wel die musiek en genoeg verversings vir 'n paar dae. Die hele kampus is uitgenooi na die gebeurtenis toe, en sodoende is Oppierif dan weer die beste plek om te wees.

Rifstok mag dalk na 'n groot geleentheid wees, maar dit is net 'n kleiner deel van Oppierif se feesweek waarin net huislede mag deelneem. Rifstok is die uitsondering.

Send mail to [email protected] with technical questions or comments about this web site.
Last modified: October 12, 1998